राजधानी रायपुर ले लगे खरोरा म नलवा सीमेंट प्लांट के एक खदान लगे बर जात हे. जेकर ले 55 हजार लोगन मन प्रभावित होही. खदान के संबंध म आज जनसुनवाई हे. एकर विरोध करे बर 6 गांव के करीब 900 ग्रामीण पहुंचे हुवे हे. भारी बारिश के बीच घलो ग्रामीण मन डटे हुवे हे.
ग्रामीण मन के मुताबिक, खदान म विस्फोट ले होये वाला कंपन ले मकान मन के नींव ल नुकसान पहुंचही. एकर सेति ओमन ओ खदान नहीं लगे देना चाहथे. सब्बो खरोरा के मोतिमपुर म ग्रामीण टेंट लगाके एक रात पहिली ले डटे हुवे हे. ओमन के विरोध ल देखत हुवे 400 पुलिस फोर्स मौका म तैनात हे.
बता देन कि मेसर्स नलवा स्टील एंड पावर लिमिटेड के खदान ले 6 गांव के 55 हजार लोगन मन प्रभावित होही. खदान ले पचरी गांव 90 मीटर, छडिया 140 मीटर, मंधईपुर 170 मीटर, नहरडीह 400 मीटर, मोतिमपुर 230 मीटर अउ आलेसुर 350 मीटर के दूरी म स्थित हे.
प्रभावित ग्रामीण ह कहिस कि दु शिफ्ट म चले वाला खनन कार्य अउ भारी वाहन के आवागमन रात म घलो जारी रही.स्कूल के आगु ले खनिज ले जाये वाला वाहन के आवाजाही ले लइका मन के सुरक्षा घलो जोखिम म हे. जेकर ओमन विरोध करत हे.