रायपुर (छत्तीसगढ़)
ईडी (प्रवर्तन निदेशालय) के ताबड़तोड़ कार्रवाई के खिलाफ अब छत्तीसगढ़ कांग्रेस ह मोर्चा खोले के तैयारी कर लीस हे.पूर्व मुख्यमंत्री भूपेश बघेल अउ ओमन के करीबी के खिलाफ जांच ल लेके पार्टी अब एला राजनीतिक बदला के कार्रवाई बतात हे अउ जवाबी रणनीति म काम शुरू कर चुके हे.
इही कड़ी म रायपुर म कांग्रेस के महत्वपूर्ण बइठका आयोजित करे जात हे, जेमा विधानसभा अध्यक्ष चरणदास महंत, पूर्व उपमुख्यमंत्री टी.एस. सिंहदेव, नेता प्रतिपक्ष कवासी लखमा, मोहन मरकाम, शिव डहरिया, रविंद्र चौबे, अउ कांग्रेस प्रदेश अध्यक्ष दीपक बैज सहित कतकोन बड़का नेता शामिल होही.
प्रियंका गांधी का बड़ा बयान
दिल्ली ले प्रतिक्रिया देत हुवे कांग्रेस महासचिव प्रियंका गांधी वाड्रा ह कहिस हे की “ईडी अउ सीबीआई जइसे संस्था भाजपा के राजनीतिक हथियार बन चुके हे. भूपेश बघेल के साथ अन्याय होइस हे. कांग्रेस के हर कार्यकर्ता ओमन के संग चट्टान के तरह खड़े हे.
ओमन के ये बयान के बाद कार्यकर्ता मन म खासा जोश देखे जात हे. सोशल मीडिया म घलो #StandWithBhupesh” ट्रेंड करत हे
कांग्रेस नेता मन के कहना हे कि छत्तीसगढ़ म पार्टी के लोकप्रियता अउ हाल ही म हुवे आंदोलन ह भाजपा सरकार ल डरा दिस हे. उही सेति ले ईडी जइसे एजेंसी के इस्तेमाल करके कांग्रेस नेता मन ल डराये-धमकाये के कोशिश करे जात हे.
पूर्व सीएम भूपेश बघेल ह घलो साफ कहिस हे “हमन डरे वाला नी हन. जनता हमर संग हे, अउ हमन सच बर लड़ते रहीबो.
क्या है पुरा मामला?
ईडी ह पाछु कुछु दिन म कथित कोल परिवहन घोटाला, जमीन घोटाला अउ PDS घोटाला ले जुड़े मामला म छापेमारी करिस हे. ओमा कुछु पूर्व अधिकारी अउ नेता मन ले पूछताछ घलो करे गीस.कांग्रेस एला पूरा तरह राजनीति ले प्रेरित कार्रवाई बतात हे