रायपुर । छत्तीसगढ़ 5 अगस्त 2025
उप मुख्यमंत्री श्री अरुण साव आज रायपुर म प्रेस वार्ता म जानकारी दीन कि भारतीय जनता पार्टी द्वारा आवत स्वतंत्रता दिवस (15 अगस्त) के मौका म “हर घर तिरंगा” अभियान चलाय जाही।
“तिरंगा सिरिफ एक झंडा नइ हे, ये हमर देस के आत्मा आय। लाखों स्वतंत्रता सेनानी मन अपन जान गवाके एला सम्मान दे हे।”
— उप मुख्यमंत्री अरुण साव
अभियान के मुख्य मकसद
हर नागरिक के मन म देश भक्ति के भावना अउ मजबूत करना।लइका मन ला झंडा के महत्तम समझाना. देश के गौरव ल सबो झन म एक संग जीयत करना। घर-घर म तिरंगा फहराके भारत के एकता अउ अखंडता के संदेश देना।
ऑपरेशन सिंदूर – भारत के शौर्य
हाल ही म भारतीय सेना द्वारा चलाय गे “ऑपरेशन सिंदूर” देश के मान-मरजादा के प्रतीक बन गे। ए अभियान दिखा दिस कि भारत सिरिफ अपन जनता के रखवारी नइ करय, बल्कि दूसर देसन ला घलो बताथे – भारत के शान ले समझौता नइ हो सकय।
अभियान कइसे चलही?
10 अगस्त ले 15 अगस्त तक ए अभियान चलाय जाही. हर नागरिक ले निवेदन हे कि वो मन अपन-अपन घर, दुकान अउ दफ्तर म तिरंगा फहरावं. डिजिटल प्लेटफार्म के माध्यम ले घलो लोगन अपन योगदान दे. भाजपा के स्थानीय कार्यकर्ता मन लोगन ला तिरंगा बाँटही, फ्लैग कोड ऑफ इंडिया के जानकारी देही, अउ देश भक्ति गीत मन के कार्यक्रम कराही.
