रायपुर, छत्तीसगढ़। 20 अगस्त 2025
रायपुर के बहुचर्चित वीआईपी रोड मं आज सबेरे एक भयंकर सड़की हादसा होईस। एक तेज रफ्तार थार गाड़ी, जेमा पांच झन सवार रहिन, वो गाड़ी डिवाइडर ले टकराय के बाद एक बड़े पेड़ मं जाके घुस गे।
प्रत्यक्षदर्शी मन के कहना हवय कि गाड़ी के रफ्तार बहुत जियादा रहिस, अउ ड्राइवर गाड़ी ऊपर काबू खो दे रहिस। थार गाड़ी पहिली डिवाइडर ले टकराइस अउ फेर पेड़ से भिड़ गे। ठोकर इतना जबरदस्त रहिस कि गाड़ी के अगला हिस्सा पूरी तरह से चकनाचूर होगे।
गाड़ी मं कुल 5 झन सवार रहिन, जेमा ले दू झन के हालत गम्भीर बताय जावत हवय। घायल मन के तुरते अस्पताल ले जाया गे हवय, जेकर इलाज अभी चलत हवय।
हादसा होई के कुछेक मिनट बाद तेलीबांधा थाना के पुलिस पेट्रोलिंग टीम मौके मं पहुंचीस। पुलिस घायलों ला फटाफट एंबुलेंस के सहारा ले अस्पताल पठईस, अउ मोकामा के मुआयना करके ट्रैफिक व्यवस्था ला सामान्य बनईस।
तेलीबांधा थाना प्रभारी के कहना हवय
“हादसा के जांच चालू हवय। सीसीटीवी फुटेज घलो देखे जात हवय। गाड़ी के रफ्तार बहुत तेज रहिस, अउ शायद चालक नशा मं रहिस। मेडिकल रिपोर्ट आइस के बाद अउ जानकारी मिलही।”
घटना के बाद वीआईपी रोड मं कुछ देर ले ट्रैफिक बाधित रहिस, जेकर बाद पुलिस के सहयोग ले स्थिति सामान्य बनाय गे।
जनता ले अपील
पुलिस अउ प्रशासन के तरफ ले एक बेर फेर अपील करे गे हवय कि सड़क मं संभल के चलंय, तेज रफ्तार के लत जानलेवा हो सकत हे। खासकर के वीआईपी रोड जइसे व्यस्त इलाका मं सावधानी जरूरी आय।