दुर्ग, छत्तीसगढ़। 29 अगस्त 2025
दुर्ग जिला मं पुलिस एक ऐसे चोर ला धर लिहिस जेकर निशाना सिरिफ मंदिर रहिस। ओ ह अब तक 30 ले ज्यादा मंदिर मं चोरी कर चुके हे। पुलिस जब ओला पकरिस त ओकर खुलासा सुनके हरान हो गे।
का कहिस आरोपी?
पुलिस पूछताछ मं आरोपी बताइस की 2011-12 मं मारपीट के केस मं जेल गें रहेंव। ओहिजा मोला HIV होगे। तब ले मन मं गुस्सा भर गेय। मन मं आइस कि भगवान मं कोनो सहारा नइ देय, त ओही के मंदिर मं चोरी करहूं।
मंदिर ही काबर?
पुलिस अधिकारी कहिन की चोर सिरिफ मंदिर ला टारगेट करथे। दुकान, घर या बैंक मं चोरी नइ करे। पूछे मं बताइस कि भगवान ऊपर बिसवास टूट गे हवय।
पुलिस के कारवाही
CCTV फुटेज के आधार मं आरोपी के पहचान होईस।
चोरी के सामान बरामद करे गे हे – जेमा दान पेटी के पैसा, मूर्ति के गहना, अउ कुछ पूजा सामग्री सामिल हे।
आरोपी ऊपर IPC के तहत कई धाराएं मं केस दर्ज कर लिहिस हे।
समाज ला संदेश
ये घटना ए बात ला उजागर करथे कि मानसिक आघात अउ बिमारी के संग समाजिक तिरस्कार कइसे मनखे ला अपराध के रास्ता मं ढकेल देथे। एकर संग, ये बात घलो जरूरी आय कि जेल मं बंद कैदियन के स्वास्थ्य जांच अउ मानसिक स्थिति के सुधार बर कदम उठाए जावय
