रायपुर/रांची, छत्तीसगढ़। 29 अगस्त 2025
शराब घोटाला के जांच म अब नवा मोड़ आ गे हवय। झारखंड ACB के टीम आजु झारखंड जेल म बंद दू बड़े आरोपी अतुल सिंह अउ मुकेश मनचंदा ला ट्रांजिट रिमांड म रायपुर ले आ गे हवंय। दूनो झन “श्री ओम साईं बेवरेजेस प्राइवेट लिमिटेड” के डायरेक्टर हवंय, जउन छत्तीसगढ़ म चलत शराब घोटाला म मुख्य आरोपी हवंय।
ACB के सुत्र मन कहिथें के अतुल अउ मुकेश मनचंदा ऊपर आरोप हवय के इहू मन सरकार के शराब व्यवसाय म भारी गड़बड़ी करे हवंय। जांच म ए बात निकल के आइस के नकली बिल, ओवर रेटिंग अउ कमीशन के खेल चले हावय।
ACB के अधिकारी मन रायपुर म प्रेस वार्ता म बताइन के
“हमर टीम झारखंड जेल ले ट्रांजिट रिमांड के तहत दूनो आरोपी ला लई आए हवंय। अब छत्तीसगढ़ म पूछताछ होही अउ जरूरी दस्तावेज जब्ती होही।”
कइसे शुरू होइस घोटाला?
छत्तीसगढ़ म शराब दुकान के संचालन ला निजी हाथ म देय गे रहिस, अउ एही मं श्री ओम साईं बेवरेजेस कंपनी के नाम बार-बार घोटाला म आइस। लोकायुक्त, इनकम टैक्स अउ ACB के संयुक्त जांच म खुलासा होइस के करोड़ों रुपिया के हेरा-फेरी करे गे हवय।
अब का होही अगला कदम?
एसीबी अधिकारी मन कहिथें के मनचंदा अउ अतुल सिंह ले पूछताछ म अउ घोटाले के परत खुल सकत हे। ओमन के मोबाइल डाटा, बैंक ट्रांजेक्शन अउ मेल बातचीत के भी जांच होही।
जनदर्शन टीम के नजरिया
सरकार म पारदर्शिता के बात होवत हे, फेर ए जइसन घोटाला जनता के भरोसा ला तोड़ देथे। जरूरी हे के जिम्मेदार मन ऊपर सख्त कार्रवाई होय।
