बिलासपुर, छत्तीसगढ़ 28 अगस्त 2025
बिलासपुर रेल मंडल के कोचिंग डिपो मं काम करत एक मजदूर ओएचई (OHE) तार मं करंट लग के बुरी तरी ले झुलस गेय। ये घटना के बाद अब जनआंदोलन के रूप मं गुस्सा फूटे लगिस हे। रेलवे प्रशासन अउ ठेकेदार दुनो अपन जिम्मेदारी ले पल्ला झाड़त दिखत हवंय, जेकर खिलाफ बुध के दिन परिजन, समाज के लोग अउ कई संगठन मिलके DRM ऑफिस के घेराव करिन।
घटना के संक्षेप
बताय जात हे के कोचिंग डिपो मं मेंटेनेंस के काम करत समय एक मजदूर ऊपर ओएचई तार मं अचानक करंट आ गे, जेन ले ओ झुलस गे। गंभीर हालत मं ओला अस्पताल मं भरती कराय गे हे। लेकिन दुर्घटना के बाद न रेलवे प्रशासन और न ठेकेदार कोनो सहायता देय के स्थिति मं नजर आथें।
परिजन के आरोप
मजदूर के परिवार जन कहिथें के – “हमर माई-बाप, भाई, बेटा रोजी-रोटी खातिर रेल डिपो मं जान जोखीम मं डाल के काम करथे, फेर जब कोनो दुर्घटना हो जाथे, त रेलवे अउ ठेकेदार सब हाथ खड़े कर देथें। इही ल हम मन मजबूर होके सड़क मं उतरन।
DRM ऑफिस के घेराव
बुधवार के बिहान ले समाज के कई संगठन, मजदूर यूनियन, अउ परिजन DRM ऑफिस के बाहिर जमा होगे। सबो लोग मिलके आवाज उठाय
“हमर मजदूर बर न्याय चाही।”
“दोषी ठेकेदार ऊपर कारवाही होवय।”
“घायल मजदूर के इलाज के जिम्मेदारी रेलवे उठाय।”
प्रशासन के रवैया
रेलवे अधिकारियन के तरफ ले अभी तक कोनो ठोस बयान नइ आय हे। मांग करत लोगन मन कहिथें के अगर जल्दी जिम्मेदारी तय नइ करे गे, त उग्र आंदोलन आगे घलो जारी रही।
समाज के मांग
झुलसे मजदूर के इलाज के खर्च पूरा रेलवे उठाय।
परिवार ला मुआवजा मिलय।
ठेकेदार अउ लापरवाह अधिकारी ऊपर कारवाही होवय।
डिपो मं सुरक्षा मापदंड के पालन करे जावय।
