रायपुर, छत्तीसगढ़। 25 अगस्त 2025
आज के बड़ी खबर अइसे कि मनवा कुर्मी समाज के केंद्रीय अध्यक्ष श्री खोडस राम कश्यप, अपन प्रतिनिधिमंडल संग पूर्व मुख्यमंत्री श्री भूपेश बघेल से मुलाकात करे हवंय।
ए मुलाकात के प्रमुख विषय रहिस – चैतन्य बघेल के गिरफ्तारी, जेकर विरोध मं समाज के प्रतिनिधि खुल के अपन आवाज उठाइन। खोडस राम कश्यप कहिन चैतन्य बघेल एक गैर-राजनीतिक व्यक्ति आय। ओकर ऊपर लगाय गेय आरोप मन के अब तक कोई पक्का सबूत सामने नई आइस।
ओमन कहिन के इहाँ पूरा मामला राजनीतिक साजिश के हिस्सा घलो लगत हे, अउ चैतन्य ला फंसाय के कोसिस होवत हे। समाज मं ए बात ले गहिरा आक्रोश हे, अउ ओमन मांग करथें के निष्पक्ष जांच करके, चैतन्य बघेल ला जल्द रिहा करे जाय।
पूर्व मुख्यमंत्री भूपेश बघेल घलो समाज के प्रतिनिधि मन के बात ला गम्भीरता ले सुनेन अउ आश्वासन देन के ए मामला मं ओमन सही न्याय के मांग ला पूरा समर्थन करथें।
खोडस राम कश्यप कहिन – “हमर समाज हमेशा कानून के सम्मान करथे, फेर जब निर्दोष ऊपर अन्याय होथे, त हम चुप नई रहन सकन। हम चाहथन के शासन प्रशासन बिना किसी दबाव के निष्पक्ष जांच करय।
ए मुलाकात के बाद, समाज मं उम्मीद जागे हे के चैतन्य बघेल ऊपर होवत अन्याय के खिलाफ आवाज अउ मजबूत होही, अउ जल्दे ओकर रिहाई के रास्ता बन सकही।
