बीजापुर, छत्तीसगढ़। 30 अगस्त 2025
नक्सल प्रभावित बीजापुर जिला मं एक फेर दुखद खबर साम्हू आए हवय। गंगालूर थाना इलाका मं नक्सली मन एक झन शिक्षा-दूत के बेरहमी ले हत्या कर दींन। पहिली वोला जबरदस्ती पकड़ के जंगल मं ले गे रहिन, फेर धारदार हथियार ले हमला करके ओखर जान ले लिहिन।
सूत्र मन कहिथें के मृतक युवक गांव मं शिक्षा के अलख जगा रहल रहिस। वो स्कूल मं पढ़ाई कराथे रहिस अऊ समाज मं बदलाव ले आवय के कोसिस करत रहिस। ये साल 2025 मं अब तक नक्सली मन 9 झन शिक्षा-दूत के हत्या कर चुके हें, जऊन शिक्षा अऊ विकास के राह मं बहुत बड़ा बाधा बन गे हवय।
गंगालूर थाना इलाका के ये घटना ले एक बेर फेर ले पूरा इलाका मं दहशत के माहौल बन गे हवय। ग्रामीण मन डरे-सहमे हें अऊ शिक्षा से जुड़ईया लोगन मन अब अपन सुरक्षा के लेके बहुत चिंतित हें।
पुलिस अऊ प्रशासन के बयान
बीजापुर जिला पुलिस अधीक्षक कहिन के घटना के जांच चलत हवय अऊ दोषी नक्सली मन ऊपर कड़ी कार्रवाई होही। जंगल मं सर्चिंग बढ़ा दी गे हवय अऊ ग्रामीण मन ले सहयोग मंगाय जात हवय।
शिक्षा विभाग के प्रतिक्रिया
शिक्षा विभाग के अधिकारी मन कहिन के ये हत्या बहुत दुखद हवय। जऊन मन जंगल मं रहिके शिक्षा के दीप जला रहे हें, वो मन ऊपर हमला पूरे समाज ऊपर हमला के समान आय। सरकार ले अपील करे गे हवय के शिक्षा-दूत मन के सुरक्षा खातिर ठोस कदम उठाय जावय।
नक्सली हिंसा के असर शिक्षा के उजियारी मं अंधियार
ये लगातार होवत हमला मन शिक्षा के क्षेत्र मं काम करे वाले शिक्षक, शिक्षा-दूत अऊ स्वयंसेवी मन के मनोबल ला तोड़त हवय। जिहां सरकार अऊ समाज मिलके बच्चों ला पढ़ाई मं जोड़य के काम करत हवंय, तहां नक्सली हिंसा ये प्रयास ला कमजोर करत हवय।
