सियोल (दक्षिण कोरिया),29 अगस्त 2025
मुख्यमंत्री श्री विष्णुदेव साय के अगुवाई मं छत्तीसगढ़ शासन के एक उच्चस्तरीय प्रतिनिधिमंडल सियोल, दक्षिण कोरिया के दौरा मं गेय रहिस। ए दौरा के दौरान मुख्यमंत्री श्री साय, कोरिया इंटरनेशनल ट्रेड एसोसिएशन (KITA) के प्रतिनिधिमंडल संग खास भेंटवार्ता करे।
ए मुलाकात मं छत्तीसगढ़ अउ दक्षिण कोरिया के बीच निवेश, तकनीकी सहयोग अउ स्किलिंग (कौशल विकास) के क्षेत्र मं आपसी समझदारी अउ साझेदारी बढ़ाय जाय के ऊपर विस्तार से चर्चा होईस। मुख्यमंत्री कहिन – “हमर उद्देश्य हे छत्तीसगढ़ के औद्योगिक ढांचा ला मजबूत करना अउ युवालोगन ला रोजगारमुखी प्रशिक्षण देके एक आत्मनिर्भर राज्य बनाना।
मुख्यमंत्री के संग उद्योग विभाग, निवेश प्रोत्साहन विभाग, अउ छत्तीसगढ़ राज्य औद्योगिक विकास निगम (CSIDC) के वरिष्ठ अधिकारी मन घलो सामिल रहिन। KITA के अधिकारी मन छत्तीसगढ़ के संभावनाओं अउ संसाधनों ला सराहना करिन अउ कहिन कि ओमन छत्तीसगढ़ मं इलेक्ट्रॉनिक्स, ग्रीन टेक्नोलॉजी, स्मार्ट मैन्युफैक्चरिंग जइसन क्षेत्र मं निवेश मं रूचि राखथें।
मुख्यमंत्री श्री साय कहिन कोरिया संग तकनीकी सहयोग अउ ज्ञान के आदान-प्रदान ले हमर राज्य के उद्योग, शिक्षा अउ स्किलिंग सेक्टर मं एक नई ऊर्जा आही। हमर सरकार हर निवेशक ला हर संभव सहयोग देवई।
ए भेंटवार्ता के दौरान दूनो पक्ष मन संभावित संयुक्त परियोजनाओं, प्रशिक्षण केंद्र के स्थापना, अउ स्टार्टअप सहयोग मं घलो रुचि देखाइन।
ए दौरा ले छत्तीसगढ़ के औद्योगिक, तकनीकी अउ मानव संसाधन विकास मं एक नया आयाम जुड़ही, जऊन ले राज्य के युवा मन ला नव रोजगार के अवसर मिलही अउ छत्तीसगढ़ के अर्थव्यवस्था मं मजबूती आही।