बस्तर । छत्तीसगढ़ 6 अगस्त 2025
स्वास्थ्य सुविधा के बढ़ोतरी के दिसा म एक बड़े कदम ले, बस्तर के महारानी अस्पताल ला अब सुपर स्पेशियलिटी हॉस्पिटल म अपग्रेड करे जाय के बात कहे गे हे। ए योजना के तहत अस्पताल म बिस्तर के संख्या बढ़ाके 300 बिस्तर तक करे जाही।
ए जानकारी राज्य के स्वास्थ्य मंत्री श्री श्याम बिहारी जायसवाल खुद दे हें। उंकर कहे म, बस्तर म स्वास्थ्य व्यवस्था ला मजबूत करे बर ए फैसला लियाय गे हवय। स्वास्थ्य विभाग के अधिकारी मन ला जल्दच एक पूरा प्रस्ताव बनाय के कहे गे हवय।
बस्तर जइसन आदिवासी अउ दूर-दराज इलाका म सुपर स्पेशियलिटी सुविधा के मिलना एक बड़े उपलब्धि के रूप म देखे जात हवय। अब तक एहाँ के मरीज मन ल गंभीर बीमारी बर रायपुर या बड़े सहर मन जाना परत रहिस, फेर अब इलाज के सुविधा यहीं नजदीक म मिल सकही।
प्रस्तावित सुपर स्पेशियलिटी सुविधा म दिल के बीमारी, नस रोग (न्यूरोलॉजी), गुर्दा रोग (नेफ्रोलॉजी), हड्डी रोग (ऑर्थोपेडिक्स), पेट के बीमारी (गेस्ट्रो) अउ अउ कई जटिल बीमारी के इलाज बर अलग-अलग यूनिट बनाय जाही। ए ले सिरिफ बस्तर नइ, बलकि आसपास के जिला के लोगन मन ला घलो फायदा मिलही।
स्वास्थ्य मंत्री कहिन
“बस्तर जइसन क्षेत्र म स्वास्थ्य सेवा ला मजबूत करना सरकार के पहिली प्राथमिकता म हवय। महारानी अस्पताल ला अपग्रेड करना एही दिसा म एक बड़े कदम हवय। हमन ए बात के ध्यान रखबो कि एहाँ के जनता ल बढ़िया इलाज मिलय अउ उंकर ला बड़े सहर जाके इलाज करवाय के जरूरत नइ परय।”
जइसे ही प्रस्ताव पास होही, निर्माण काम अउ जरूरी संसाधन के व्यवस्था सुरू कर दी जाही। सरकार ए योजना बर खास बजट के भी प्रावधान करत हवय।
बस्तर के जनता, जनप्रतिनिधि अउ स्वास्थ्यकर्मी मन सरकार के ए फैसला के स्वागत करिन हे अउ कहिन हे कि ए ले बस्तर म स्वास्थ्य सेवा म जबरदस्त सुधार आही।
