रायपुर, छत्तीसगढ़। 2 सितंबर 2025
रायपुर म गणेश विसर्जन के तइयारी जोर-शोर से चलत हवय, फेर ए साल के प्रतिमा के कुछ स्वरूप ला देख के सर्व हिंदू समाज म जबरदस्त नाराजगी देखे गीस। समाज के कहना हवय के गणेश जी के पारंपरिक स्वरूप म बदलाव करके, दूसर झन के चेहरा जइसे बनाय गीस, जऊन धार्मिक आस्था ऊपर चोट करथे।
धार्मिक दृष्टिकोण ले प्रतिक्रिया
शंकराचार्य स्वामी अविमुक्तेश्वरानंद जी महाराज (ज्योतिर्मठ)
“गणेश जी के प्रतिमा म दूसर झन ला देखाना पाप के बराबर हवय। मूर्तिकार घलो ए म दोषी ए। ये सिरिफ आस्था ऊपर हमला नो हे, ये धर्म के मर्यादा के उल्लंघन आय।”
कार्रवाई के मांग
सोमवार के दिन, सर्व हिंदू समाज के प्रतिनिधि मंडल रायपुर एसएसपी कार्यालय म जाके लिखित शिकायत देय। समाज के कहना हवय के
ए प्रकार के मूर्ति बनाय वाले कलाकार ऊपर सख्त कार्रवाई होय।
प्रशासन ए मामला म तुरंत हस्तक्षेप करके ए प्रकार के प्रतिमा बनाना बंद करावय।
भविष्य म ए प्रकार के गलती नो दोहराए जाय।
जनता के प्रतिक्रिया
“गणेश जी हमन ला विघ्नहर्ता कहिथन। ओमन के स्वरूप म ए प्रकार के बदलाव कतई बर्दाश्त नइ होही।”
“हमर संस्कृति अउ धर्म संग खिलवाड़ झन होवय। प्रशासन ए म कठोर कदम उठावय।”