रायपुर, 30 अगस्त 2025
मुख्यमंत्री श्री विष्णुदेव साय के 10 दिन के जापान दौरा आज 30 अगस्त के दिन पूरा होवत हे। ओ मन आज संझा राजधानी रायपुर म वापिस लौटत हंय। विदेश यात्रा ले भरपूर अनुभव बटोर के आवत मुख्यमंत्री के स्वागत खातिर भाजपाई कार्यकर्ता मन गजब जोश म नजर आथें।
जापान यात्रा के दौरान मुख्यमंत्री साय अनेक औद्योगिक, तकनीकी अउ सांस्कृतिक कार्यक्रम म भाग लीन। ओमन जापान के प्रमुख निवेशक मन संग मुलाकात करिन, छत्तीसगढ़ म निवेश ल बढ़ावा देय के दिशा म काम करिन, अउ नवा टेक्नोलॉजी ले राज्य के विकास ला गति देय के बात करिन।
मुख्यमंत्री के रायपुर वापसी के खबर मिलतेच भाजपा कार्यकर्ता मन म खासा उत्साह देखे गे। राजधानी रायपुर शहर जिला भाजपा एक बड़का बैठक करिस, जिहां आगमन के अवसर ल भव्य बनाय के योजना बनाइस गे। पार्टी कार्यकर्ता मन ह हवाई अड्डा म मुख्यमंत्री के स्वागत खातिर बैनर, पोस्टर अउ पारंपरिक वाद्य यंत्र संग उपस्थित रहिहीं।
शहर जिला भाजपा अध्यक्ष श्री अमर अग्रवाल कहिन
“मुख्यमंत्री के विदेश यात्रा राज्य खातिर गर्व के बात आय। जापान संग मजबूत संबंध बनाय के दिशा म ओ मन जे काम करिन, उ हमर छत्तीसगढ़ के भविष्य ल उज्जवल बनाही। हम सब कार्यकर्ता मन उंकर स्वागत ला ऐतिहासिक बनाय बर तइयार हवन।”
मुख्यमंत्री के आगमन के बाद एक प्रेस वार्ता के भी संभावना हे, जिहां ओ मन जापान यात्रा के अनुभव, हासिल समझौता अउ राज्य के लाभ के बारे म जानकारी दीही।
विदेश यात्रा ले छत्तीसगढ़ ला का फायदा?
मुख्यमंत्री के नेतृत्व म जापान संग औद्योगिक निवेश, स्मार्ट सिटी परियोजना, ग्रीन टेक्नोलॉजी अउ स्किल डेवलपमेंट म सहयोग के रास्ता खुले हे। ये दौरा ले खास कर के युवा वर्ग, तकनीकी क्षेत्र अउ स्टार्टअप मन ला नवा अवसर मिल सकथे।
भाजपा कार्यकर्ता मन रायपुर के हवाई अड्डा म पारंपरिक छत्तीसगढ़ी अंदाज म स्वागत के तैयारी करथें। सुआ नृत्य, ढोल नगाड़ा अउ फूल-माला संग मुख्यमंत्री जी के स्वागत ल एक उत्सव के रूप म देखे जावत हे।
