रायपुर । छत्तीसगढ़ 6 अगस्त 2025
छत्तीसगढ़ के राजधानी रायपुर ले एक बड़े परशासनिक खबर बाहिर आइस हे। राज सरकार फेर एक बेर परशासनिक घलो फेरबदल करत, 10 गो IAS अफसर मन के पद बदल दिस हे। ए फेरबदल राज्य के परशासनिक व्यवस्था ला अउ मजबूत अउ कारगर बनाय बर करे गे हे।”
“ए नवा सूची मं कई सीनियर अफसर मन ला नवा जिम्मेदारी दे गीस हे, त कई झन ला अतिरिक्त जिम्मेदारी घलो मिलिस हे। चलव, जानथन कोन अफसर ला कइसे नवा काम सौंपे गे हे…”
रीना बाबा साहब कंगाले
“रीना बाबा साहब कंगाले अब भू अभिलेख आयुक्त के पद मं रहिहीं, संग-संग मं ओमन ला एक अउ जिम्मेदारी दे गीस हे। ए जिम्मेदारी ओमन के पहिली के अनुभव ला देखत दियाय गे हे।”
अविनाश चंपावत
“अविनाश चंपावत अब सामान्य प्रशासन विभाग के सचिव बनाय गे हें। ए विभाग सरकार के नीति बनाय के काम मं बहुत जरूरी माने जाथे।”
रितेश कुमार अग्रवाल
“रितेश कुमार अग्रवाल अब छत्तीसगढ़ मेडिकल सर्विसेस कॉर्पोरेशन लिमिटेड – CGMSC के एमडी बनाय गे हें। दवाई खरीदी अउ वितरण के काम अब ओमन के देखरेख मं रही।”
रवि मित्तल
“रवि मित्तल अब सीएम सचिवालय मं संयुक्त सचिव बनही, संग मं आयुक्त जनसंपर्क अउ संवाद के सीईओ के अतिरिक्त प्रभार घलो ओमन ला मिलिस हे। ओ मन अब मुख्यमंत्री के मीडिया अउ जनसंपर्क के काम देखही।”
जयश्री जैन
“जयश्री जैन ला वन अउ जलवायु परिवर्तन विभाग के उप सचिव बनाय गे हे। पर्यावरण से जुड़ कार्यक्रम मन के लागू करे मं ओमन के रोल जरूरी रही।”
दीपक कुमार अग्रवाल
“दीपक कुमार अग्रवाल ला लोक आयोग के सचिव बनाय गे हे, संग मं अतिरिक्त प्रभार घलो मिलिस हे। लोक सेवा के बेहतरी बर ए बदलाव जरूरी माने जावत हे।”
पद्मिनी भोई साहू
“पद्मिनी भोई साहू अब कोष अउ लेखा विभाग के संचालक बनाय गे हें। राज्य के खजाना अउ हिसाब-किताब अब ओमन के जिम्मा मं रही।”
हिना अनिमेष नेताम
“हिना अनिमेष नेताम ला आदिम जाति अनुसंधान अउ प्रशिक्षण संस्थान के संचालक बनाय गे हे। जनजाति समाज ऊपर रिसर्च अउ ट्रेनिंग के काम ओमन देखही।”
अश्विनी देवांगन
“अश्विनी देवांगन अब मिशन संचालक, SRLM (स्टेट रूरल लाइवलीहुड मिशन) अउ स्वच्छ भारत मिशन ग्रामीण के संचालक बनाय गे हें। ग्राम विकास अउ सफाई अभियान मं ओमन के योगदान जरूरी माने जावत हे।”
“ए बड़े परशासनिक बदलाव ला आगामी विधानसभा सत्र अउ विकास कार्य के तेजी ले जोड़के देखे जावत हे। छत्तीसगढ़ सरकार के ए पहल ले अलग-अलग विभाग मं नवा ऊर्जा आही, अऊ व्यवस्था अउ मजबूत होही। परशासनिक घेरा मं ए फैसला के सराहना घलो होवत हे।”
