रायपुर म एक बोरी के अंदर लाश मिलीस हे. बोरी एक पत्थर खदान म पानी के ऊपर तैरत रीहिस. तभी बोरी के बाहिर कोनो ह पैर देखिस त पुलिस ल सूचना दिस. मृतक के पहचान दिनेश मानिकपुरी निवासी कायाबांधा के तौर म होइस हे. मामला म पुलिस जांच म जुटे हे. ये पूरा मामला राखी थाना क्षेत्र के हे.
राखी पुलिस ले मिले जानकारी के मुताबिक, गुरुवार सांझ 6 बजे के करीब बेंद्री गांव के पास पत्थर खदान म एक लाश के सूचना मिलिस. पुलिस ह मौका म जाके देखिस त लाश एक बोरी के भीतर रीहिस. लाश के पैर बोरी ले बाहिर निकले हुवे रीहिस. बॉडी तीन ले चार दिन पुराना बताये जात हे. पुलिस मृतक के घर वाले मन ले सपूछताछ करत हे.
लाश के सिर अउ गला म गंभीर चोट हे. बॉडी के अधिकतर हिस्सा गल गीस हे. ये केस म FSL अउ क्राइम के टीम घलो जांच म जुट गीस हे. पंचनामा के बाद पुलिस लाश ल पोस्टमार्टम बर भेजवाये हे. पोस्टमार्टम के बाद बॉडी परिजन मन ल सौंप दे जाही.