छत्तीसगढ़ के बहुचर्चित शराब घोटाला म प्रवर्तन निदेशालय (ED) ह एक बड़का खुलासा करत हुवे चैतन्य कश्यप के नाम सीधा तौर म घोटाला ले जोड़ दिस हे. ईडी के कहिना हे कि 2500 करोड़ रुपये के ये घोटाला म चैतन्य के भूमिका वित्तीय संचालन अउ अवैध लाभ म स्पष्ट रूप ले आगु आइस हे.
ईडी के मुताबिक, छत्तीसगढ़ म शराब बिक्री अउ आपूर्ति म फर्जी कंपनी, कैश फ्लो अउ रियल एस्टेट इन्वेस्टमेंट के जरिये घोटाला करे गीस. दस्तावेजी साक्ष्य, मोबाइल चैट अउ बैंकिंग ट्रांजैक्शन के जांच के आधार म चैतन्य ल ये घोटाला म आरोपी माने गीस हे.
बघेल के पलटवार:
ये खुलासा के बाद पूर्व मुख्यमंत्री भूपेश बघेल ह तीखा प्रतिक्रिया दिस ओमन सवाल उठाइस कि,
“अतना दिन काबर लगिस? का ED के कंप्यूटर खराब रीहिस या सुपर CM छुट्टी म रीहिस?”
बघेल ह ये घलो कहिस कि ये पूरा मामला राजनीतिक बदला के भावना ले प्रेरित हे.
“चुनइ के पहिली ये नाम नहीं आइस, अब कइसे अचानक सब्बो साफ हो गीस?”
सियासी असर:
छत्तीसगढ़ के राजनीति एक बार फेर गर्मा गीस हे. कांग्रेस ह केंद्र सरकार उपर जांच एजेंसी के दुरुपयोग के आरोप लगाइस हे, जबकि भाजपा नेता मन ह ईडी के कार्रवाई ल “सत्य के जीत” बताइस.
कांग्रेस के आरोप:
-
ये कार्रवाई विपक्ष ल दबाये के कोशिश हे
-
चैतन्य भाजपा ले जुड़े हे, फेर घलो नाम आगु आना साबित करत हे कि सच्चाई छुप नी सकथे
भाजपा के प्रतिक्रिया:
-
कांग्रेस के डर आगु आ गीस हे
-
अगर कोनो ह गलत करिस हे त कानून अपना काम करही
ईडी ह संकेत दिस हे कि अवइया वाला दिन म अउ घलो गिरफ्तारी अउ संपत्ति ज़ब्ती के कार्रवाई हो सकत हे. मामला ले जुड़े अन्य अधिकारी अउ राजनीतिक चेहरा के भूमिका के घलो जांच चलत हे.
