सुकमा, 2 सितंबर 2025
सुकमा जिला के नाड़ीगुफा तेलावर्ती इलाका मं शबरी नदी के तेज बहाव मं फंसे एक मनखे ला 12 घंटा ले जियादा बखत के संघर्ष के बाद सुरक्षीत रेस्क्यू कर ले गेय। ए रेस्क्यू ऑपरेशन जिला प्रशासन, सुकमा पुलिस, सीआरपीएफ अउ भारतीय वायूसेना के सयुक्त प्रयास ले पूरा होईस।
घटना के बिस्तार
मंगलवार रात के समय मं, शबरी नदी के जल स्तर अचानक बढ़ गे। ए समय एक स्थानीय युवक, जऊन जंगल के ओर गेय रिहिस, ओ बाढ़ मं फंस गे। पानी के तेज धार मं ओ बीच नदी के चट्टान ऊपर फंस गे रिहिस।
रातभर नदी मं तेज बहाव रहिस, जऊन से रेस्क्यू करना मुस्किल हो गे। पुलिस अउ सीआरपीएफ के जवान मन पहिलीच पहुंचिन, फेर अंधियारी अउ बहाव के कारण कोनो उपाय नइ निकल पाइस। रातभर जवान मन नजर बनाय रिहिन।
सुबह वायूसेना के हेलिकॉप्टर पहुंचिस
बुधवार भोर मं भारतीय वायूसेना के हेलिकॉप्टर पहुंचिस। रेस्क्यू टीम हेलिकॉप्टर ले रस्सी झुलाके, युवक तक पहुंचिस। करीब 30 मिनट तक चले संघर्ष के बाद युवक ला सुरक्षीत ऊपर खींच के निकाले गेय।
कलेक्टर अउ एसपी के ब्यान
सुकमा कलेक्टर डॉ. राहुल शर्मा कहिन
“ये सयुक्त रेस्क्यू अभियान हमर टीमवर्क के जीत आय। युवक अब सुरक्षीत हे अउ अस्पताल मं प्राथमिक उपचार चलत हे।
सुकमा एसपी किरण चौधरी कहिन
“सीआरपीएफ अउ वायूसेना के सहयोग ले ए कठिन रेस्क्यू सफल होईस। हम सब मन खुश हन के एक जान बचाय गेय।
जनता के लिए अपील
प्रशासन जनता ले अपील करत हवय के बरसात के दिन मं नदी-नाला पार करे से बचे। पानी के बहाव मं अचानक बढ़ोतरी हो सकत हे, जऊन जान के खतरा बन सकत हे।