परसाभांठा (कोरबा), 29 अगस्त 2025
कोरबा जिला के करतला विकासखंड के अंतर्गत आवत परसाभांठा गांव के प्राथमिक शाला म गुरुवार के दिन एक शर्मनाक घटना सामने आए हे। इहाँ के हेडमास्टर स्कूल म शराब के नशा म पहुंचे अऊ कुर्सी म बइठतेच गहरी नींद म सो गेय।
ए घटना ला देख के गांव के मन घलो हक्का-बक्का रह गे। जब स्कूल पहुंचे कुछ अभिभावक अऊ ग्रामीण मन हेडमास्टर के हालत देखिन, त ओमन तुरतेच मोबाइल निकाल के वीडियो बना लिहिन। ए वीडियो अब सोशल मीडिया म जबरदस्त वायरल होवत हे अऊ लोगन मन शासन-प्रशासन ले कारवाही के मांग करत हे।
गांव वाले मन के बयान
गांव के कुछ बुजुर्ग मन बताइन के, “स्कूल तो पढ़ई के मंदिर आय, फेर जब मास्टर मनच खुदे ए हाल म रइहीं, त हमर लइका मन ला का सिखई?”
कइएक लोग कहिन के ये हेडमास्टर पहले घलो कई झिन शिकायत कर चुके हें, फेर अब तक कोनो ठोस कारवाही नइ होइस।
वीडियो म दिखत हवै
वीडियो म साफ दिखत हवै के हेडमास्टर कुर्सी म लुड़गरावत नींद म पड़ गे हवंय। ओकरे टेबुल म पानी के बोतल संग-संग गिलास घलो रखाय हवै। बच्चे मन असमंजस म खड़े हवंय अऊ कोई पढ़ई-लिखई के माहौल नइ रहिस।
शिक्षा विभाग के जिम्मेदारी
ए घटना के बाद शिक्षा विभाग म हड़कंप मच गे हवै। करतला BEO (ब्लॉक एजुकेशन ऑफिसर) ले जब पूछे गे, त ओमन कहिन के जांच टीम भेजे गे हवै अऊ जाँच के बाद जरूरी कारवाही कराय जाही।
जनता मांगत हे सख्त कारवाई
गांव वाले मन के कहना आय के ए घटना सिरिफ एक दिन के नइ, बल्के लंबे समय ले चलत आवत समस्या आय। हेडमास्टर ऊपर निलंबन अऊ शराब सेवन जइसन गंभीर गलती ऊपर ठोस कारवाही करे जाय।