छत्तीसगढ़ 25 अगस्त 2025
नवरात्रि के पावन अवसर म रेल यात्री मन बर एक बढ़िया खबर आय। भीड़-भाड़ के समय म यात्रा ल सुगम बनाय बर, रेलवे प्रशासन दुर्गा पूजा के मौका म स्पेशल ट्रेन चलाय के फैसला करे हे।
बिलासपुर जोन ले निकले वाली ये स्पेशल ट्रेन ले छत्तीसगढ़, महाराष्ट्र अऊ ओडिशा के लाखों यात्री मन ल फायदा होही। रेल प्रशासन सुभाष चंद्र बोस स्टेशन (इतवारी, नागपुर) अऊ शालीमार (कोलकाता) के बीच कुल 5 फेरा बर ये विशेष ट्रेन चलाही।
इहाँ के लोगन बर ये ट्रेन एक ठन बहुत बढ़िया सुविधा होही, जऊन ले वोमन अपन गांव-घर बर आराम ले यात्रा कर सकही। नवरात्रि म जिहां एक ओर लोगन देवी दर्शन बर निकरत हवंय, उहिच घड़ी ये ट्रेन उनकर यात्रा ल सुगम, सुरक्षित अऊ समय के अनुरूप बनाही।
रेलवे के तरफ ले ट्रेन के टाइम टेबल, रिजर्वेशन अऊ ठहराव के जानकारी जल्दिए जारी करे जाही। संगवारी हो, जे मन अपन टिकिट बुक कराना चाहथें, उंकर बर हम कहिबो – जल्दी ले ऑनलाइन या नजदीकी रिजर्वेशन सेंटर म टिकिट बुक कर लव।
यात्रा करथव त स्वास्थ्य अऊ सुरक्षा के नियम मन के पालन करव, अऊ दूसर मन ल घलो सुविधा देय के कोसिस करव।
नवरात्रि के पावन अवसर म सबो झन ल हमर तरप ले हार्दिक शुभकामना।
जय जोहार, जय छत्तीसगढ़!