रायपुर । छत्तीसगढ़ 6 अगस्त 2025
भारतीय जनता पार्टी के सीनियर नेता अजय चंद्राकर एक वायरल वीडियो ऊपर मचे सियासी बवाल ऊपर आज जबरदस्त बयान दे हावंय। कांग्रेस ऊपर पलटवार करत, अऊ कई ठन तिखा सवाल खड़े करीन।
मंच रहिस कार्यकर्ता सम्मान समारोह के अऊ बात रहिस सम्मान के नाम म फैलाए जात झूठ-फरेब के।
“मोला कोनो छुरी नइ चलत हे दिल ऊपर”
ये ह अइसन बात आय जऊन बीजेपी के दिग्गज नेता अजय चंद्राकर कहिन, जब कांग्रेस ह उहां के एक वायरल वीडियो ल मुद्दा बना के राजनीतिक रंग देहे रहिस।
अजय चंद्राकर कहिन
“कांग्रेस ल संगठन के भावना कभू नइ समझ म आही।
ए पार्टी ह तो सुप्रीम कोर्ट ले घलो फटकार खा चुके हवय।”
कांग्रेस ऊपर हमला करत उंकर कहना रहिस —
“ये तो ओ पार्टी आय जऊन अपन हर मुद्दा म फटकार खा लेथे।
जऊन मन एके परिवार के ताबेदार हवंय, उंकर मन ल राष्ट्रवादी पार्टी के अनुशासन कभू समझ नइ आही।”
अजय चंद्राकर ह कांग्रेस ऊपर कटाक्ष करत कहिन
“राजनीति करे बर मुद्दा खोजव, मोर नाव ल चलाए बर धन्यवाद देथं।
BJP ह मोला छे बार टिकट देहे हवय, अऊ मोर स्ट्राइक रेट जनता तय करिस हे।”
उंकर कहना रहिस, ये वीडियो चाहे कतेक भी वायरल हो जावय, फेर मोर नीयत, समर्पण अऊ विचारधारा ऊपर कोनो सवाल नइ उठ सकय।
तो रायपुर के सियासत म जिहां एक वायरल वीडियो ऊपर बवाल मच हवय, उहां अजय चंद्राकर ह साफ कह डारिन, न मोला दुख होईस, न मैं पीछे हटे वाला हंव।
अब देखे लायिक होही कांग्रेस ए बयान ऊपर का जवाब देही?
का सियासी टकराव अउ तेज होही?
जुड़ रहव हमर संग हर अपडेट, सबसे पहिली यहीं मिलही।