रायपुर। छत्तीसगढ़ 5 अगस्त 2025
रायपुर ले एक मानवीयता के मिसाल आगु आइस हे. राज्य के मंत्री लक्ष्मी राजवाड़े ह एक बार फेर ये साबित कर दिस कि एक जनप्रतिनिधि होये के असली अर्थ सेर्फ सत्ता म होना नी हे, बल्कि हर जरूरतमंद के सेवा घलो करना हावय.
घटना कटघोरा के समीप सुतर्रा मोड़ के हे, जिहाँ सड़क दुर्घटना म 2 युवक मन गंभीर रूप ले घायल हो गे रीहिस. जेला मउका म गुजरत मंत्री लक्ष्मी राजवाड़े के नजर जइसे ही घायल मन उपर पड़िस, ओमन बिना देर करे अपन काफिला रुकवाइस हे अउ तत्काल घायल युवक मन के मदद बर आगु आइस हे.
मंत्री राजवाड़े ह स्वयं दुनों घायल मन ल पास के अस्पताल पहुंचवाइस अउ उहां डॉक्टर मन ल तत्काल इलाज के निर्देश दिस. ओमन ये घलो सुनिश्चित करिस कि घायल मन ल हरसंभव बेहतर चिकित्सा सुविधा मिल सके.
मंत्री लक्ष्मी राजवाड़े के बयान
मउका म मउजूद लोगन मन ह मंत्री के ये संवेदनशील अउ मानवीय कार्य के जमके सराहना करिस. मंत्री राजवाड़े ह मीडिया ले गोठबात म कहिस की अइसे विकट घड़ी म मानवता ही सबले बड़का धर्म हे. जब कोनो संकट म हो, त मदद करना हर इंसान के फर्ज हे, चाहे ओ कोनो पद म हो या आम नागरिक. मंत्री लक्ष्मी राजवाड़े के ये पहल आज के दौर म एक प्रेरणा हे, जिहा व्यस्तता अउ पद के गरिमा के बीच अक्सर मानवीयता पाछु छूट जाथे.
मंत्री लक्ष्मी राजवाड़े ह जेन प्रकार संवेदनशीलता दिखात हुवे सड़क दुर्घटना के घायल के मदद करिस, ओ जनसेवा अउ मानवता के अनोखा उदाहरण हे. ये घटना हमन सब्बो ल ये सीख देथे कि संकट के घड़ी म मानवता ले बढ़के कोनो धर्म नी होथे.