छत्तीसगढ़ के धमतरी जिला के दक्षिण सिंगपुर रेंज म वन विभाग ह बड़का कार्रवाई करत हुवे 29 हेक्टेयर यानी 71.63 एकड़ अतिक्रमित वनभूमि ले अतिक्रमण हटा दिस हे.
जानकारी के मुताबिक, करीब 32 ग्रामीण मन ह ये वनभूमि म अवैध झोपड़ी बना ले रीहिस.
वन विभाग के दावा हे कि कब्जाधारी ह सैकड़ों पेड़ काट दे रीहिस अउ कच्चा रास्ता घलो बना ले रीहिस.
वन विभाग ह कब्जाधारी ल दु बार नोटिस दे रीहिस, लेकिन ओमन स्वयं अतिक्रमण नी हटाइस.
जेकर बाद गुरुवार के विभाग ह कड़ा कार्रवाई करत हुवे कब्जा मुक्त कराइस.
वन विभाग काे कहिना हे कि ये कार्रवाई वन संपदा के सुरक्षा अउ संवर्धन बर जरूरी रीहिस.
अतिक्रमण हटाये ले जंगल के हालत सुधरही अउ पर्यावरण संरक्षण म मदद मिलही.
धमतरी के ये कार्रवाई ले वन संरक्षण के दिशा म एक मजबूत संदेश गीस हे.