छत्तीसगढ़ के उत्तरी इलाका सरगुजा संभाग म भारी बारिश के कहर सरलग जारी हे.
सबले ज्यादा बारिश सूरजपुर जिला म रिकॉर्ड करे गीस हे, अउ एकर असर अब जनजीवन म सीधा पड़त नजर आत हे.
बारिश के चलत सूरजपुर जिला के प्रतापपुर ब्लॉक के मदनगर गांव के बलरामपुर ले जोड़े वाला सड़क म बने एक पुलिया बह गीस हे.
पुलिया बहे के सेति ये रास्ता म पूरा तरह ले आवाजाही बंद हो चुके हे.
हालात अतना खराब हे कि ग्रामीण जान जोखिम म डालके पुल के बचे हिस्सा ले साइकिल अउ बाइक ले गुजरे बर मजबूर हे.
पानी के बहाव तेज हे अउ ज़रा सी चूक कोनो बड़का दुर्घटना ल दावत दे सकत हे.
ग्रामीण मन के कहिना हे कि ओमन प्रशासन ल कतकोन बार सूचना दिस, लेकिन अब तक कोनो राहत या अस्थायी व्यवस्था नी करे गीस हे.
लोगन मन ह मांग करिस हे कि जल्द ले जल्द अस्थायी पुल या वैकल्पिक मार्ग बनाये जाये.
सरगुजा संभाग म सरलग होत बारिश ह गांव के कनेक्टिविटी अउ सुरक्षा दुनों उपर सवाल खड़े कर दे हे.