छत्तीसगढ़ म एक बार फेर धर्मांतरण के मुद्दा म तनाव गहरात जात हे.
ताजा मामला दुर्ग रेलवे स्टेशन के हे. जिहां 25 जुलाई के दु मिशनरी सिस्टर्स ल पुलिस ह हिरासत म लिस. ये घटना के बाद राज्य म हिंदू अउ ईसाई समुदाय के बीच टकराव के हालात बनत नजर आत हे.
मिले जानकारी के मुताबिक, ये सिस्टर्स उपर धर्मांतरण कराये के आरोप लगे हे.
स्थानीय लोगन मन अउ कुछु संगठन मन ह आरोप लगाइस कि ये महिला हिंदू धर्म के लोगन मन ल ईसाई धर्म अपनाये बर प्रेरित करत रीहिस.
पुलिस के कहिना हे कि दुनों महिला मन ले पूछताछ करे जात हे, अउ फिलहाल मामला के जांच जारी हे.
हालांकि, सिस्टर्स ह अपन ऊपर लगे आरोप ल सिरे ले खारिज करिस हे.
ये घटना के बाद स्थानीय इलाका म तनाव के माहौल हे.
हिंदू संगठन ह प्रशासन ले सख्त कार्रवाई के मांग करिस हे, उहे ईसाई समाज के कहिना हे कि ये धार्मिक स्वतंत्रता के हनन हे.
फिलहाल स्थिति म प्रशासन के नजर बने हुवे हे.
लेकिन सवाल इही हे — का छत्तीसगढ़ म धर्मांतरण अब सियासी अउ सामुदायिक टकराव के बड़का कारण बनत जात हे?