छत्तीसगढ़ के बिलासपुर जिला ले बड़का खबर आगु आइस हे, जिहां राशन विक्रेता संघ के अध्यक्ष के दुकान ल निलंबित कर दे गीस हे.
मामला तब उजागर होइस, जब एक वीडियो सोशल मीडिया म वायरल होइस, जेमा ओ सरकारी चावल के बदले हितग्राही मन ले पइसा देत नजर आइस.
ये वीडियो आगु आये के बाद प्रशासन ह तुरंत संज्ञान लिस अउ जांच बर नोटिस जारी करिस.
प्रारंभिक जांच म गंभीर अनियमितता पाये जाये के बाद दुकान ल सस्पेंड कर दे गीस हे.
खाद्य विभाग ह स्पष्ट करिस हे कि सरकारी राशन के कोनो भी रूप म लेन-देन नियम के विरुद्ध हे अउ दोषी मन उपर कड़ी कार्रवाई करे जाही.
स्थानीय लोगन मन ह आरोप लगाये रीहिस कि ये सिलसिला लंबा बेरा ले चलत रीहिस, लेकिन पहिली कभी कोनो कार्रवाई नहीं होइस.
अब सवाल उठत हे:
का बाकी दुकान म घलो इही तरह के खेल चलत हे?