छत्तीसगढ़ म एक बार फेर कानून के दोहरा मापदंड म सवाल उठे बर लगिस हे. मामला हे की नेशनल हाईवा म बीच सड़क गाड़ी खड़े कर स्टंट अउ वीडियो शूट करे के वीडियो वायरल होये के बाद पुलिस ह कार्रवाई तो करिस, लेकिन कतकोन अहम सवाल पाछु छोड़ दिस.
घटना नेशनल हाईवा के हे, जिहाँ कुछु रसूखदार युवक मन ह अपन महंगा गाड़ी ल सड़क के बीच खड़े कर, ड्रोन ले वीडियो शूट करिस. वीडियो आगु आये के बाद सोशल मीडिया म लोगन मन ह सवाल उठाये बर शुरू कर दिस – का ये खुलेआम ट्रैफिक नियम के धज्जियाँ उड़ाना नी हे?
कार्रवाई का होइस?
पुलिस ह 6 युवक मन के ड्राइविंग लाइसेंस सस्पेंड कर दिस हे. संग ही मोटर व्हीकल एक्ट के तहत जुर्माना घलो लगाये गीस हे. लेकिन FIR दर्ज नी करे गीस.
अउ सबले बड़का बात – ये युवक के नाम अब तक सार्वजनिक नी करे गे हे, जेकर ले ये शक अउ गहरा होवत हे कि कहीं रसूखदार होये के चलत ओमन ल बचाये तो नी जात हे?
प्रशासन के सफाई
प्रशासन के कहिना हे कि वीडियो के आधार म कार्यवाही करे गे हे अउ मामला के जांच जारी हे. लेकिन सवाल ये उठत हे की नेशनल हाईवा म अइसे हरकत करे वाला के खिलाफ सेर्फ जुर्माना ही काबर? का आम आदमी बर घलो इही नियम लागू होथे?