छत्तीसगढ़ के बलरामपुर में एक महिला उपर घरेलू अत्याचार के घटना आगु आइस, जेला सुनके ही रूह कांप जाही. पीड़िता के कहिना हे कि ओकर पति अउ सास-ससुर ह मिलके ओकर जमके पिटाई करिस, रस्सी ले बांधिस अउ मुंह म कपड़ा ठूंस दिस. ओला बंद कमरा म एक सप्ताह तक रखे गीस. खौलत पानी म डुबोये गीस अउ गर्म चिमटा ले जलाये गीस चेहरा, ये अत्याचार पुलिस के बयान सुनके घलो कांप गीस.
पुलिस ह घटना म तत्काल केस दर्ज कर जांच शुरू कर दिस हे.शुरुआती पड़ताल ले पता चलिस कि पति के कोनो अन्य लड़की के संग अफेयर रीहिस, जेकर ले घरेलू तनाव अउ बढ़िस. आरोपी परिवार के अन्य सदस्य के नाम घलो दर्ज करे गे हे. पीड़िता ह अपन मेडिकल जांच के बेरा जले निशान अउ चोट के विवरण दिस हे. हर दिन गर्म सलाखों ले जलाये जात रीहिस. पुलिस ह मामला दर्ज कर सब्बो आरोपी के गिरफ्तारी के कार्रवाई शुरू कर दिस हे.