छत्तीसगढ़ म मानसून एक बार फेर जोर पकड़ चुके हे. राजधानी रायपुर समेत राज्य के कतकोन हिस्सा म तेज बारिश होवत हे. मौसम विभाग ह गरियाबंद, कांकेर, बस्तर, दुर्ग, बिलासपुर, अउ रायगढ़ सहित 17 जिला म अलर्ट जारी करिस हे.
पाछु 24 घंटा के भीतर रायपुर अउ आसपास के इलाका म झमाझम बारिश देखे ल मिलिस हे. जेकर ले कतकोन जगह म जलभराव के स्थिति बन गीस हे.दक्षिण अउ उत्तर छत्तीसगढ़ म मानसून के सक्रिय होये ले आये वाला दिन म अउ घलो बारिश के संभावना जताये जात हे.
मौसम विभाग ह तेज आंधी अउ बिजली गिरे के चेतावनी घलो दे हे. लोगन मन ले अपील करे जात हे कि ओ खराब मौसम के बेरा सुरक्षित स्थान म रहे. खुला मैदान या पेड़ के नीचे खड़े न होये.
बारिश किसान मन बर राहत लेके आइस हे. कतकोन इलाका म धान के बुआई तेज़ी ले होवत हे. लेकिन बिजली गिरे के घटना चिंता के कारण बने हुवे हे.