बिलासपुर म एक अजीबो-गरीब नज़ारा देखे ल मिलिस, जब कुछु रईसजादा मन ह नवा कार खरीदे के खुशी म नेशनल हाईवे म ही कार अड़ा दीस अउ सड़क ल जश्न के मैदान बना डालिस. तेज़ म्यूज़िक, फूल-माला अउ हुड़दंग के संग ओ युवक मन ह सड़क म ट्रैफिक ल पूरा तरह रोक दिस.
घटना के वीडियो सोशल मीडिया म तेजी ले वायरल होवत हे, जेमा साफ देखे जा सकत हे कि एक नवा चमचमाती कार ल बीच हाइवा म खड़े कर ओकर चारों तरफ युवक नाचत-झूमत नजर आत हे. कुछु लोगन मन छत म चढ़े हुवे हे, त कुछु गाड़ी के बोनट म बइठके फोटो-वीडियो शूट करत हे.
हाईवा जश्न के चलत कतकोन वाहन चालक ल घंटों तक जाम म फंसे रहना पड़िस. स्कूली लइका, ऑफिस जाये वाला कर्मचारी, अउ एम्बुलेंस तक ल रास्ता नी मिल सकिस. मौका म मौजूद कुछु लोगन मन ह पुलिस ल सूचना घलो दिस. लेकिन जब तक पुलिस पहुंचिस, ये युवक अपन “सेलिब्रिटी एंट्री” के मजा लेके निकल चुके रीहिस.
ट्रैफिक पुलिस अउ स्थानीय थाना के टीम अब वीडियो के आधार म आरोपी मन के पहचान करत हे. अधिकारी मन के कहिना हे कि ये तरह सड़क म अराजकता फइलाना गंभीर अपराध हे, अउ जिम्मेदार लोगन मन उपर सख्त कार्रवाई करे जाही.