छत्तीसगढ़ म मानसून एक बार फोर सक्रिय हो गीस हे. राजधानी रायपुर समेत प्रदेश के कतकोन जिला म बीते 24 घंटा ले सरलग तेज बारिश होवत हे. उसी बीच कवर्धा जिला ले एक दुखद खबर आगु आइस हे. जिहां रानीदहरा वाटरफॉल म बहे युवक के शव मंगलवार बिहनिया बरामद करे गीस.
स्थानीय प्रशासन अउ SDRF के टीम ह सर्च ऑपरेशन चलाये रीहिस. युवक के शव वाटरफॉल ले करीब 10 किलोमीटर दूर बरामद होइस हे. बताये जात हे कि ओ रविवार के दोस्त मन के संग पिकनिक मनाये बर गे रीहिस. लेकिन पानी के तेज बहाव म बह गीस.
मौसम विभाग ह आज यानी मंगलवार के प्रदेश के 18 जिला म भारी बारिश के ऑरेंज अलर्ट जारी करिस हे. ओमा रायपुर, दुर्ग, बिलासपुर, राजनांदगांव, बालोद, कोरबा, महासमुंद, कवर्धा, जांजगीर-चांपा, अउ रायगढ़ प्रमुख हे.
लोगन मन ल निचला इलाका अउ नदी-नाला के पास नी जाये के सलाह दे गीस हे. प्रशासन ह संबंधित जिला ल सतर्क रहे के निर्देश दिस हे.
