रायपुर म कुछ रईसजादा के लग्जरी कार स्टंटबाज़ी अब ओमन बर भारी पड़ गीस हे. शहर ले गुजरे वाला नेशनल हाईवे म लग्जरी कार के कतार लगाके रास्ता जाम करे के मामला अब हाईकोर्ट तक पहुंच गीस.
ये मामला म हाईकोर्ट ह सख्ती दिखात हुवे स्वत: संज्ञान लिस अउ सवाल करिस कि सेर्फ ₹2000 के जुर्माना लगाके आरोपी मन ल काबर छोड़े गीस. कोर्ट के फटकार के बाद अब रायपुर पुलिस ह 7 युवक मन उपर FIR दर्ज कर गाड़ी ल जब्त कर लिस हे.
वीडियो होये रीहिस वायरल:
ये घटना के वीडियो सोशल मीडिया म तेजी ले वायरल होये रीहिस, जेमा युवक मन के कार (Audi, BMW, Mercedes जइसे) हाइवे के बीचोंबीच खड़े रीहिस अउ उहां हॉर्न, म्यूजिक अउ स्टंटबाज़ी होवत रीहिस. वीडियो म देखे गीस कि राहगीर अउ एंबुलेंस तक ल निकले म परेशानी होवत रीहिस.
हाईकोर्ट के टिप्पणी:
“सेर्फ जुर्माना लगाके छोड़ना गैर-जिम्मेदाराना रवैया हे. एकर ले कानून के डर खत्म होवत हे.”
कोर्ट ह प्रशासन ले रिपोर्ट तलब करिस हे अउ भविष्य म अइसे घटना म सख्त कार्रवाई के निर्देश दिस हे.
पुलिस के कार्रवाई:
-
7 युवक मन उपर भारतीय दंड संहिता के कतकोन धारा म FIR दर्ज
-
सब्बो गाड़ी थाना म खड़े करे गीस, जांच जारी
-
युवक मन ले पूछताछ अउ ओमन के सोशल मीडिया अकाउंट घलो खंगाले जात हे
जनता के गुस्सा:
घटना म आम लोगन मन अउ सोशल मीडिया यूज़र्स ह कड़ा ऐतराज जताइस हे. लोगन मन ह पूछिस हे कि अगर आम नागरिक अइसने करथे, त का अतना नरमी बरते जाथे?
