दक्षिण पूर्व मध्य रेलवे (SECR) ह पाछु 3 महीना म कुल 2,000 ले ज्यादा ट्रेन ल रद्द करिस हे. चौंकाये वाला बात ये हे कि ये रद्द ट्रेन म करीब 48% ट्रेन रायपुर रूट के रीहिस.
अतना ही नी, इही अवधि म 11,000 ले ज्यादा ट्रेन अपन तय समय ले लेट घलो होइस. एकर सीधा असर यात्री मन के यात्रा योजना अउ कामकाज म पड़े हे.
सबले अहम बात ये हे कि रेलवे ल खुद ये जानकारी नी हे कि एकर ले कतना यात्री प्रभावित होइस. ना कोनो आंकड़ा, ना कोनो रिपोर्ट – यात्री परेशान, लेकिन कोनो जवाबदेही नी हे.
रेलवे के कहिना हे कि कतकोन ट्रेन ल इंफ्रास्ट्रक्चर वर्क, लाइन ब्लॉक अउ सुरक्षा कारण ले कैंसिल करे गीस. लेकिन ये सब्बो कारण के बावजूद, यात्री मन के नुकसान के कोनो आकलन नहीं करे गीस.
विशेषज्ञ मन के कहिना हे ये तरह के अनियमितता न केवल यात्रा अनुभव ल खराब करत हे, बल्कि रेलवे के विश्वसनीयता म घलो सवाल खड़ा करत हे.
रायपुर, बिलासपुर अउ दुर्ग जइसे मुख्य स्टेशन सबले ज्यादा प्रभावित होइस. यात्री मन ल आखिरी समय म ट्रिप रद्द करना पड़िस या वैकल्पिक साधन ढूंढना पड़िस
