छत्तीसगढ़ के कांकेर के आतुरगांव म एक कार पुल ले टकरा गीस, हादसा म 4 लोगन मन जिंदा जल गीस. 18 जुलाई के रात 1 बजे नेशनल हाईवे 30 म ये हादसा होइस. स्विफ्ट डिजायर कार म 6 युवक सवार रीहिस, हादसा म 4 लोगन मन के मउत हो गीस. जबकि 2 लोगन मन के हालत गंभीर बने हुवे हे. हादसे के बाद कार पूरा तरह जलके खाक हो गीस. जानकारी के अनुसार, कार सवार सब्बो लोगन मन मुरवेंड ले कांकेर जात रीहिस. कुलगांव के पास कार पुल ले टकरा गीस.
मामल कोतवाला थाना क्षेत्र के हे. जानकारी के अनुसार, आतुरगांव के पास पुल निर्माण के सेति सड़क डायवर्ट करे गीस हे. तेज रफ्तार के सेति ड्राइवर कार के नियंत्रित नी कर पाइस. उही सेति कार पुल के रेलिंग ले टकरा गीस. टक्कर के बाद कार म आगि लग गीस. उहे ये घलो कहे जात हे कि युवक नशा के हालत म रीहिस.
हादसा के बाद 2 युवक कोनो तरह कार ले बाहिर निकल गीस. उहे 4 युवक कार म ही फंस गीस अउ आगि म जलके ओमन के मौत हो गीस. सूचना मिलत ही कांकेर पुलिस अउ फायर ब्रिगेड के टीम मौका म पहुंचिस अउ आगि म काबू पाइस. बताये जात हे कि युवक नशा म रीहिस. ये कार कांकेर शांति नगर के प्रशांत सिन्हा के रीहिस. कार ल युवराज शोरी नाम के युवक बगैर बताए ले गे रीहिस. फिलहाल पुलिस मामला के जांच करत हे.
एसडीओपी मोहसिन खान ह बताइस कि घायल युवक मन ल जिला अस्पताल म भर्ती कराये गीस हे. ओमन ले पूछताछ करे जात हे. मृतक मन के परिजन मन ल घटना के सूचना दे दे गीस हे. पुलिस अउ फॉरेंसिक टीम मौका म जांच करत हे.
