छत्तीसगढ़ के बीजापुर जिला म गंगालूर ले मिरतुर तक सड़क निर्माण म घोटाला होइस. ये मामला म पुलिस ह PWD के 5 अधिकारी मन ल गिरफ्तार करिस हे. ओमा दो रिटायर्ड, एक वर्तमान EE, SDO अउ सब इंजीनियर घलो शामिल हे.
इही सड़क निर्माण के भ्रष्टाचार के खबर बनाये के मामला म 1 जनवरी 2025 म पत्रकार मुकेश चंद्राकर के हत्या कर दे गे रीहिस. 3 जनवरी के ठेकेदार सुरेश चंद्राकर के बाड़ा म सेप्टिक टैंक म शव मिले रीहिस. हत्या के आरोप म 4 आरोपी जेल म बंद हे.
बता देन कि, सड़क निर्माण के ठेका 4 फर्मों ल मिले रीहिस. हर 2 किमी के सड़क निर्माण बर अलग-अलग टेंडर जारी करे गे रीहिस. 32 किमी के काम ल 16 भाग म बांटे गीस अउ अनुबंध करे गीस. ये काम ठेकेदार सुरेश चंद्राकर करत रीहिस.
52 किलोमीटर के सड़क ल टुकड़ा म बनाये गीस हे. लगभग 12 ले 15 किमी तक डामर बिछाये गीस. लेकिन क्वॉलिटी अतना घटिया रीहिस कि कुछु ही दिन म सड़क उखड़े बर लगिस. एकर अलावा बीच-बीच म गिट्टी अउ मुरुम डाल दे गीस हे. जेन चले लायक घलो नी हे.
