छत्तीसगढ़ म कांग्रेस के कोति घोषित आर्थिक नाकेबंदी ल लेके विवाद खड़े हो गीस हे. कांग्रेस ह ये नाकेबंदी महंगाई, बेरोजगारी अउ केंद्र सरकार के नीति के खिलाफ बुलाये हे, लेकिन छत्तीसगढ़ चैंबर ऑफ कॉमर्स एंड इंडस्ट्री ह ये कदम के साफ विरोध करिस हे.
चैंबर के कहना हे कि ये तरह के नाकेबंदी ले छोटा व्यापारी मन अउ ट्रांसपोर्ट सेक्टर ल सीधा नुकसान पहुंचही. ओमन स्पष्ट करिस कि ओ ये आंदोलन के समर्थन नी करही.
“कोनो भी राजनीतिक आंदोलन म जब सड़क बंद करे जाथे, त सबले पहिली व्यापार अउ ट्रांसपोर्ट म असर पड़थे. अइसे म विरोध के अउ घलो रास्ता हो सकत हे.”
कोन कोन रस्ता म असर:
-
रायपुर-बिलासपुर NH म यातायात रोके के योजना
-
दुर्ग, राजनांदगांव, जगदलपुर अउ अंबिकापुर म कांग्रेस कार्यकर्ता के प्रदर्शन
-
प्रमुख बाजार म दुकान बंद कराये के कोशिश करे जा सकत हे
-
पुलिस अउ प्रशासन ह अलर्ट मोड म ट्रैफिक प्लान जारी करिस हे
प्रशासन के चेतावनी:
जिला प्रशासन ह स्पष्ट करिस हे कि कोनो भी तरह के जबरदस्ती म सख्त कार्रवाई करे जाही. आम जनता के आवाजाही अउ आपात सेवा ल बाधित नी करे के निर्देश हे गे हे
