रायपुर, 4 अगस्त 2025:
दिल्ली प्रवास ले छत्तीसगढ़ लौटिस पूर्व मुख्यमंत्री भूपेश बघेल ह रायपुर पहुंचत ही प्रदेश सरकार उपर तीखा हमला बोलिस. ओमन धर्मांतरण, गौ-संरक्षण, अउ कानून-व्यवस्था के मुद्दा म सत्तारूढ़ दल अउ राज्य के गृह मंत्री ल निशाना म लिस.
धर्मांतरण म बघेल के सवाल:
“गृह मंत्री अपन ही जिला म रोक नी पात हे”
मीडिया ले बात करत हुवे भूपेश बघेल ह कहिस,
“धर्मांतरण त गृह मंत्री के ही जिला म होवत हे, अउ ओ कुछु नी कर पात हे. जेन लोगन मन धर्म के रक्षा के बात करत हे, उही़ लोगन मन अपन जिम्मेदारी ले भागत हे.”
बघेल के ये बयान साफ तौर म राज्य सरकार के धर्मांतरण नीति अउ प्रशासनिक नियंत्रण म सवाल खड़ा करत हे.
गौ-वंश के दुर्दशा म नाराजगी: “सरकार ह मवेशी ल मरे बर छोड़ दिस”
पूर्व सीएम ह छत्तीसगढ़ म सड़क म मवेशी के बदहाल स्थिति के मुद्दा घलो उठाइस. ओमन कहिस की “सड़क म गौ-वंश तड़प-तड़प कर मरत हे, लेकिन सरकार आंख मूंद के बइठे हे. ये जेन खुद ल गौ भक्त कहत हे, ओमन ल गाय के श्राप लगही.”
गौरतलब हे कि बघेल के मुख्यमंत्री रहत गौठान योजना, गोधन न्याय योजना जइसे कतकोन पशुधन आधारित कार्यक्रम शुरू करे गे रीहिस, जेकर तुलना म वर्तमान स्थिति म ओमन निराशा व्यक्त करिस.
सरकार उपर दु टूक हमला
भूपेश बघेल ह कहिस कि आज के सरकार जनहित अउ संवैधानिक जिम्मेदारी के जगह छवि सुधार अउ प्रचार म ध्यान देत हे.
ओमन कहिस कि जब गृहमंत्री अपन जिला म शांति अउ सामाजिक सौहार्द नी बना पात हे, त ओ राज्य के अन्य हिस्सा म का करही?