बिलासपुर म करंट लगे ले रिटायर्ड प्रोफेसर के मौत हो गीस. ओमन के घर म पानी घुस गे रीहिस. इन्वर्टर के प्लग निकालत बेरा ओ करंट के चपेट म आ गीस. जेकर ले ओमन के जान चले गीस.बता देन कि बुधवार रातभर बारिश के बाद कतकोन इलाका के घर म पानी घुस गे रीहिस. उहे पेंड्रा इलाका म सरलग बारिश होये के बाद पानी के तेज बहाव म पुलिया बह जाये ले 6 गांव के संपर्क टूट गीस.
उही बीच मौसम विभाग ह आज (शुक्रवार) बलरामपुर, जशपुर, बीजापुर, नारायणपुर, कोंडागांव अउ कांकेर समेत 6 जिला म भारी बारिश के रेड अलर्ट जारी करिस हे. उहे बस्तर, दंतेवाड़ा कोरिया, राजनांदगांव, रायगढ़ समेत 14 जिला म ऑरेंज अउ रायपुर, महासमुंद, बेमेतरा, दुर्ग समेत 9 जिला म यलो अलर्ट जारी करे गीस हे.
