दुर्ग / बिलासपुर / रायपुर, छत्तीसगढ़
छत्तीसगढ़ म सरलग होवत बारिश के चलत हालात गंभीर होत जात हे. दुर्ग जिला के एनीकट म बहे वाला दूसर नाबालिग, आशीष के शव आज बिहनिया बरामद कर ले गी हे. आशीष के शव घटनास्थल ले करीब 30 मीटर दूर पानी म मिलिस.
बीते दिन दु नाबालिग लइका मन एनीकट पार करत बेरा बह गे रीहिस. मौका म मौजूद SDRF अउ गोताखोर के टीम ह रातभर सर्च ऑपरेशन चलाइस. एक लइका के शव कालि ही मिल गे रीहिस. जबकि आशीष के तलाश आज पूरा होइस.
बिलासपुर म हालात बिगड़िस घर म घुसिस पानी
बारिश के कहर सेर्फ दुर्ग तक ही सीमित नी हे. बिलासपुर म भारी बारिश के सेति निचला इलाका म पानी भर गीस हे. कतकोन कॉलोनी अउ मकान म पानी घुस गीस हे. जेकर ले लोगन मन ल राहत शिविर म शिफ्ट करे जात हे.
कतकोन स्थान म जलभराव
-
नाव ले लोगन मन के रेस्क्यू
-
अस्पताल म जलभराव के स्थिति
-
बिजली आपूर्ति बाधित
28 जिला म मौसम विभाग के अलर्ट
IMD (भारतीय मौसम विभाग) ह छत्तीसगढ़ के 28 जिला म भारी बारिश के रेड अउ ऑरेंज अलर्ट जारी करिस हे. नदी के जलस्तर तेजी ले बढ़त हे अउ नदी किनारे बसे गांव ल सतर्क रहे के सलाह दे गीस हे.
