छत्तीसगढ़ म ये दिन कतकोन हिस्सा म मध्यम बारिश होवत हे. अवइया 5 दिन तक बस्तर संभाग के कतकोन हिस्सा म झमाझम बारिश के आसार हे. उही बीच सरगुजा, बिलासपुर, रायपुर अउ दुर्ग संभाग के जिला म हल्का मध्यम बारिश हो सकत हे. कतकोन जगह धूप अउ उमस ले लोगन मन के परेशानी बढ़ सकत हे. आज शनिवार के प्रदेश के भिन्न- भिन्न इलाका म बारिश के आसार हे
मौसम विभाग के अनुसार, एक कम दबाव के क्षेत्र उत्तर-पश्चिम मध्यप्रदेश अउ ओकर ले लगे दक्षिण-पश्चिम उत्तर प्रदेश म बने हुवे हे.ओकर उत्तर-पश्चिम मध्यप्रदेश अउ पूर्वी राजस्थान ले होत हुवे पश्चिम-उत्तर-पश्चिम के कोति आगु बढ़े अउ अवइया 24 घंटा के बेरा धीरे-धीरे कमजोर होके एक सुस्पष्ट निनम दबाव के क्षेत्र म परिवर्तित होये के संभावना हे. दूसर कोति मानसून द्रोणिका औसत समुद्र तल म राजस्थान ले डाल्टनगंज होत हुवे उत्तर-पूर्व बंगाल के खाड़ी जात हे.
मौसम एक्सपर्ट ह बताइस कि आज शनिवार के प्रदेश के कुछु स्थान म हल्का मध्यम बारिश होये के संभावना हे. संग ही एक दु जगह म भारी बारिश के संग मेघगर्जन के संभावना हे. अवइया 5 दिन तक बस्तर संभाग के कतकोन हिस्सा म मध्यम बारिश हो सकत हे. उहे एक दु स्थान म भारी वर्षा के संभावना हे.ट
शुक्रवार के प्रदेश म सर्वाधिक अधिकतम तापमान राजनांदगांव म रीहिस. उहां 34 डिग्री सेल्सियस दर्ज करे गे हे. उहे सबले कम न्यूनतम तापमान 20.8 डिग्री सेल्सियस दुर्ग म दर्ज करे गीस. राजधानी रायपुर म आज मौसम आकाश आंशिक मेघमय रहे के संभावना हे. संग ही बूंदाबांदी हो सकत हे.
