गौरेला-पेंड्रा-मरवाही जिला के जंगल म सड़क किनारे झाड़ी म एक महिला के शव मिले हे. ग्राम केवची म अनुसुइया यादव रोज जंगल म पुटु बीने बर जावत रीहिस. 24 जुलाई ओकर लाश झाड़ी के बीच मिलीस. मामला गौरेला थाना क्षेत्र के हे.
मृतका के सिर अउ पीठ म धारदार हथियार ले वार के निशान पाये गे हे. ओमन के बेटा सतना प्रसाद यादव ह पुलिस ल बताइस कि जब ओ बिहनिया 6-7 बजे उठिस, त ओकर मां घर म नी रीहिस.
बाद म गांव के ही एक व्यक्ति बालम यादव ह ओमन ल सूचना दिस कि काठी पथरा गहिरा नाला के पास एक महिला के शव मिलिस हे.
सतना प्रसाद जब मौका म पहुंचिस त ओमन शव के पहचान अपन मां के रूप म करिस. शव के सिर अउ पीठ म धारदार हथियार ले वार के निशान स्पष्ट दिखाई देवत रीहिस. पुलिस ह मामला दर्ज कर लिस हे अउ जांच शुरू कर दिस हे.
अभी तक हत्यारा के पता नहीं चल पाये हे. गौरेला पुलिस अज्ञात आरोपी के तलाश म जुटे हुवे हे. स्थानीय लोगन मन म ये घटना ले दहशत के माहौल हे.
