“कोरबा जिला म कुआं धंसे ले मलबा म दबे तीन लोगन मन के शव 26 घंटे बाद निकाले जा चुके हैे. पहिली पिता फेर मां-बेटा के लाश मिलीस. तीन के शव 25 फीट गहराई म रीहिस. ये घटना के बाद गांव म मातम पसरे हे. परिजन मन के आंसू नी रुकत हे.
बता देन की बनवार गांव म 29 जुलाई के बिहनिया हादसा होइस. पति-पत्नी अउ ओमन के बेटा मोटर पंप निकाले बर कोशिश करत रीहिस. तभी अचानक कुआं धंस गीस. मलबा म तीन दब गीस.
घटना के बाद रात ढाई बजे तक SDRF ह रेस्क्यू ऑपरेशन चलाये गीस. लेकिन बारिश होये ले अउ मिट्टी धंसे के सेति ओला बीच म ही रोकना पड़े रीहीस. आज बिहनिया ले फेर अभियान चलाये गीस. कुआ के पैरेलल म खुदाई कर लाश निकाले गीस.
घटना मंगलवार बिहनिया 6 बजे के आसपास के हे. घर म मौजूद भाई-बहन ह पुलिस ल बताइस कि जब ओ बिहनिया उठे त ओमन कुआं धंसे हुवे पाइस. बड़का भाई, मां अउ पिता लापता रीहिस. एकर सूचना मिलत ही पुलिस के टीम मौका म पहुंचिस.
उच्च अधिकारी मन ल सूचना देके आपदा प्रबंधन टीम ल बुलाये गीस. 2 महीना पहिली ही कुआं खुदवाये गे रीहिस.