कोरबा (छत्तीसगढ़)
जिले के एक शांत इलाका म मंगलवार देर रात एक दर्दनाक सड़क हादसा होइस, जेमा एक युवक के मउका म ही मउत हो गीस. ओला कोनो अज्ञात वाहन ह जोरदार टक्कर मार दिस, जेकर ले ओकर सर अउ सीना म गंभीर चोट आइस. हादसा के बाद वाहन चालक मउका ले फरार हो गीस.
घटना के जानकारी
ये घटना कोरबा शहर के पास होइस. स्थानीय लोगन मन ह युवक ल सड़क म खून ले लथपथ हालत म देखिस अउ तुरंत 108 एंबुलेंस अउ पुलिस ल सूचना दिस.पुलिस मउका म पहुंचिस अउ घायल युवक ल जिला अस्पताल ले जाये गीस. जिहां डॉक्टर मन ह ओला मृत घोषित कर दिस.स्थानीय प्रत्यक्षदर्शियों के अनुसार, टक्कर अतना तेज़ रीहिस कि युवक कुछु मीटर दूर तक घिस के चले गीस.
फरार हे आरोपी ड्राइवर
घटना के बाद ले ही गाड़ी अउ ओकर ड्राइवर के कोनो पता नी चल पाइस हे. पुलिस आस-पास के CCTV फुटेज खंगालत हे अउ संभावित वाहन के पहचान म लगे हुवे हे.थाना प्रभारी ह बताइस हे की अज्ञात वाहन के खिलाफ मामला दर्ज कर ले गीस हे. ड्राइवर के तलाश करे जात हे अउ जल्द ही गिरफ्तारी करे जाही.
शोक म डूबिस परिवार
ये दुखद घटना के सूचना मिलत ही परिजन मन म कोहराम मच गीस. युवक घर ले कोने काम ले निकले रीहिस. लेकिन हादसा ह सबकुछ छीन लिस. ग्रामीण अउ स्थानीय लोगन मन घलो ये हादसा ले स्तब्ध हे अउ ड्राइवर ल जल्द पकड़े के मांग करत हे.
